దారం లేని గాలిపటం

ఒకసారి ఒక తండ్రి మరియు కొడుకు గాలిపటాలు ఎగురవేసే ఉత్సవానికి వెళ్లారు. రంగురంగుల గాలిపటాలతో నిండిన ఆకాశాన్ని చూసి కొడుకు చాలా సంతోషించాడు. అతను కూడా తన తండ్రికి ఒక రంగుల గాలిపటాన్ని మరియు రోలర్తో ఉన్న ఒక దారం కావాలని అడిగాడు. ఆవిధంగా, తాను కూడా రంగుల గాలిపటాన్ని ఆకాశంలో ఎగురవేయాలనుకున్నాడు. వెంటనే తండ్రి పండుగ జరుగుతున్న పార్కులో ఉన్న దుకాణానికి వెళ్లాడు. అతను తన కొడుకు కోసం ఒక మంచి గాలిపటాన్ని మరియు దారం కొన్నాడు.

అతని కొడుకు గాలిపటం ఎగరవేయడం ప్రారంభించాడు. వెంటనే, అతని గాలిపటం ఆకాశంలో చాలా ఎత్తుకు చేరుకున్నది. కొంతసేపటి తర్వాత, కొడుకు ఇలా అన్నాడు, "డాడీ, దారం అయిపోవడం వలన ఇంకా ఎత్తుకు ఎగరాల్సిన గాలిపటం అక్కడే ఆగిపోయినట్లు అనిపించింది. మనము దారాన్ని కత్తిరిస్తే, గాలిపటం మరింత ఎత్తులో ఎగురుతుంది. మనము దారాన్ని కత్తిరిద్దామా?" ఇది విన్న తండ్రి నవ్వుతూ రోలర్ నుండి దారాన్ని కత్తిరించాడు. గాలిపటం కొంచెం ఎత్తుకు వెళ్లడం ప్రారంభించింది. అది ఆ చిన్న పిల్లవాడిని చాలా సంతోషపరిచింది.

కానీ, నెమ్మదిగా, గాలిపటం క్రిందికి రావడం మొదలుపెట్టింది. వెంటనే అది తెలియని భవనం మీద పడ్డింది. ఇది చూసి కొడుకు ఆశ్చర్యపోయాడు. అతను గాలిపటాన్ని దాని దారం నుండి కత్తిరించాడు, కానీ అది పైకి ఎగరలేదు. అతను తన తండ్రిని అడిగాడు, "డాడీ, దారం కత్తిరించిన తర్వాత, గాలిపటం స్వేచ్ఛగా పైకి ఎగరగలదని నేను అనుకున్నాను. కానీ, అది ఎందుకు కింద పడిపోయింది?"

తండ్రి ఇలా వివరించాడు, "బాబు, చాలామంది తమ జీవితంలో ఉన్నత స్థాయికి వెళ్లాలని ఆశిస్తుంటారు. కానీ, మనం కొన్ని విషయాలతో ముడిపడి ఉన్నామని, అవి మనల్ని మరింత ఎత్తుకు వెళ్లకుండా చేస్తున్నాయని అనుకుంటారు. దారం గాలిపటాన్ని పైకి వెళ్లకుండా ఆపదు. కానీ, గాలి తక్కువగా ఉన్నప్పుడు కూడా, అది కింద పడకుండా ఉండటానికి సహాయపడుతుంది. దారం ద్వారా సరైన దిశలో గాలిపటం పైకి వెళ్లడానికి సాయం అవుతుంది. ఇప్పుడు మనం దారాన్ని కత్తిరించినప్పుడు, దారం ద్వారా గాలిపటానికి మనం ఇచ్చే సహాయం లేకుండా అది పడిపోయింది." ఇది విన్న కొడుకు తన తప్పు గ్రహించాడు.

కథ యొక్క నీతి: మనము కుటుంబంతో, ఇంటితో ముడిపడి ఉండకపోతే, మనము త్వరగా ఉన్నత స్థాయిలోకి చేరుకోవచ్చు అని మనం అనుకుంటాం. కానీ మన కుటుంబం, మన ప్రియమైనవారు, వారి సహాయంతో మన జీవితంలో కఠినమైన సమయాలను తట్టుకుని, మన జీవితంలో ఉన్నత స్థాయికి చేరుకోవడానికి మనకు ప్రోత్సాహం ఇస్తున్నారు. వారు మనల్ని పట్టుకోవడం (ఆపడం) కాదు, వారు మనకు మద్దతు ఇస్తున్నారు.