అపకారికి ఉపకారము చేయరాదు
ఒకానొక దట్టమైన కీకారణ్యంలో ఒక పాము వుంటుండేది. దానిని చూచి అడవిలోని జంతువులన్నీ ఎంతో భయపడేవి. తనపట్ల జంతువులు చూపుతున్న భయం కేవలం తన గొప్పతనం వల్లనేనని ఆ పాముకెంతో గర్వంగా వుండేది. అందువల్ల అది కన్నుమిన్ను కానకుండా ఆ అడవిలో ఎంతో పొగరుబోతుతనంగా తిరుగుతుండేది. అది వస్తున్న చడి వినిపించేసరికి జంతువులు దాని త్రోవనుండి తప్పుకుపోతుండేవి.
అసలే విష జంతువు అందులోనూ గొప్పదానినన్న గర్వంతో ఎంతో పొగరుగా
తిరుగుతున్పట్టిది. తీరా దాని కంటబడితే ఏమి మాట్లాడుతుందో ఏమంటుందో ఆ మాటల దూకుడులో పౌరుషం చెంది కాటువేస్తే, ఆ విషానికి ప్రాణాలు కోల్పోవాలి. ఎందుకొచ్చిన ముప్పు తప్పుకు తిరిగితేనే మంచిదని జంతువులేవీ దాని నరసకు రాకపోవడం వల్ల అది. తిరుగాడే పరిసరాలలో ఒక్క పిట్టయినా ఉండేదికాదు ఒంటరి అయిపోయి పాము తనుమామూలుగా తిరిగే తావులో తనకేమి తోచక ఆ అడవి మార్గాన బయలుదేరి చాలాదూరంప్రయాణం చేసింది. అంతలో ఆకస్మికంగా అది తిరుగుతున్న ప్రాంతంలో మంటలు లేచాయి.
దాన్ని తప్పుకుపోవాలన్న తొందరలో వెనక్కి మరలించి పాము, అంతలో అటు ప్రక్క కూడామంటలు వ్యాపించినాయి క్షణాలలో ఆ పాము చుట్టూవున్న పొదలంటుకుని ఆ మంటలమద్య అది ఇరుక్కు పోయింది.
బయపడేమార్గం తోచలేదు. "నన్ను రక్షించండి.. నన్ను రక్షించండి." అంటూ గట్టిగా కేకలు పెట్టనారంభించింది. ఆ అడవి మార్గాన అటు ప్రక్కగా ప్రక్క గ్రామానికి పోతున్న ఒక రైతు చెవులకా కేకలు వినబడ్డాయి. యెవరో ఆపదలో ఉన్నారని ఆ రైతు ఆ కేకలు వినబడుతున్న దిక్కుగా వెళ్ళాడు. మంటల మధ్య ప్రాణభయంతో తల్లడిల్లిపోతున్న పామును చూచాడు. అది దుష్టజంతువైనా సంకోచించకుండా, ఆ రైతు తన చేతికర్ర కొనకు సంచిని కట్టి మంటల మధ్యకు పెట్టి పట్టుకున్నాడు. బ్రతుకు జీవుడా అనుకుని ఆ పాము ఆ సంచిలో దూరింది. వెంటనే రైతాకర్రను పైకెత్తి చేతి సంచిని, మంటల కావలకు తెచ్చి నేలనుంచేడు.
ఆ సంచిలోనుంచి చర్రున ఈవలకొచ్చింది సాము ప్రాణభిక్ష పెట్టినవాడన్న ఆలోచనయినా ఆలోచించకుండా బుసలు కొడుతూ కస్సున పైకి లేచి ఆ రైతును కాటు వేసింది. పాపం రైతు పాము విషం తలకెక్కి నోట సొంగలు కక్కుతూ నేలబడి ప్రాణాలు వదిలాడు ఉపకారానికి పోయి మరణాన్ని తెచ్చుకున్నాడా రైతు, కనుక ఉపకారమే అయినా సజ్జనులకు చెయ్యాలిగాని దుష్టులకు చెయ్యకూడదు.
